متحدہ عرب امارات اور سلطنت عمان کے درمیان نئی ٹرین سروس کا اعلان

ابوظہبی: متحدہ عرب امارات اور سلطنت عمان کے درمیان نئی ٹرین سروس شروع کرنے کا اعلان کر دیا گیا ہے، جس سے دونوں ممالک کے درمیان تجارتی روابط میں نمایاں اضافہ متوقع ہے۔

تفصیلات کے مطابق AD پورٹس گروپ کی کمپنی نوٹم لاجسٹکس نے حفیت ریل کے ساتھ ابتدائی معاہدہ طے کیا ہے۔ حفیت ریل عمان اور یو اے ای کو ملانے والے پہلے سرحد پار ریلوے نیٹ ورک کے ڈویلپر اور آپریٹر ہیں۔

اس معاہدے کے تحت سہر اور ابوظہبی کے درمیان روزانہ ریل سروس چلائی جائے گی، جس میں ہر ہفتے سات کنٹینر ٹرینیں شامل ہوں گی۔ ٹرینیں 20، 40 اور 45 فٹ کے کنٹینرز کی نقل و حمل کے لیے مختص ہوں گی تاکہ آغاز ہی سے قابل اعتماد اور مسلسل سروس فراہم کی جا سکے۔

یہ ریل سروس دونوں ممالک کے درمیان تجارت کو فروغ دے گی اور عام کارگو، تیار شدہ سامان، خوراک، دواسازی، زرعی مصنوعات اور دیگر ضروری اشیاء کی ترسیل میں سہولت فراہم کرے گی۔