پاکستان نے دوسرے ٹی ٹوئنٹی میں جنوبی افریقہ کو شکست دے دی ، سیریز1-1برار

لاہور:  قذافی اسٹیڈیم لاہور میں کھیلے گئے دوسرے ٹی ٹوئنٹی میچ میں پاکستان نے شاندار کارکردگی دکھاتے ہوئے جنوبی افریقہ کو 9 وکٹوں سے شکست دے دی۔جنوبی افریقہ کی ٹیم پہلے بیٹنگ کرتے ہوئے صرف 110 رنز پر ڈھیر ہو گئی۔

جنوبی افریقا نے پہلے بیٹنگ کرتے ہوئے پاکستان کو جیت کیلئے 111رنز کا ہدف دیا، جو اس نے ایک وکٹ کے نقصان پر حاصل کرلیا۔

پاکستان اور جنوبی افریقا کے درمیان تین میچز کی سریز 1-1 سے برابر ہوگئی، سیریز کا تیسرا اور فیصلہ کن میچ آج لاہور ہی میں کھیلا جائے گا۔

ہدف کے تعاق میں اوپنر صائم ایوب نے 38 گیندوں پر 71 رنز کی ناقابل شکست اننگز کھیلی، انہوں نے اس دوران 6 چوکے اور 5 چھکے لگائے جبکہ بابر اعظم 11 رنز پر ناٹ آؤٹ رہے۔

گرین شرٹس کی اکلوتی وکٹ صاحبزادی فرحان کی گری، وہ 28 رنز بناکر پویلین لوٹے، اس دوران انہوں نے 3 بلند و بالا چھکے لگائے۔

اس سے قبل مہمان ٹیم آخری اوور میں 110رنز بناکر آؤٹ ہوگئی تھی، ڈیوالڈ بریوس 25 اور ڈونون فریرا 15رنز کے ساتھ نمایاں رہے۔

فہیم اشرف نے 23 رنز کے عوض 4، سلمان مرزا نے 14رنز کے عوض 3 کھلاڑیوں کو آؤٹ کیا جبکہ نسیم شاہ نے دو اور ابرار احمد نے ایک وکٹ حاصل کی۔

Bails dislodged 👏

Salman Mirza with a dream start ⚡

📺 Watch live in UK region, sign up now at https://t.co/Z0RXSR6J9e#PAKvSA | #GreenPeYaqeen | #BackTheBoysInGreen pic.twitter.com/niOZngySAE

— Pakistan Cricket (@TheRealPCB) October 31, 2025

پاکستانی پلیئنگ الیون میں ایک تبدیلی کی گئی تھی، شاہین آفریدی کی جگہ سلمان مرزا کو شامل کیا گیا۔

دیگر کھلاڑیوں میں صائم ایوب، صاحبزادہ فرحان، بابر اعظم، حسن نواز، سلمان علی آغا، عثمان خان، محمد نواز، فہیم اشرف،نسیم شاہ اور ابرار احمد شامل ہیں۔

تین میچز کی سیریز کا یہ دوسرا مقابلہ ہے، پہلے میچ میں جنوبی افریقا نے پاکستان کو 55 رنز سے مات دی تھی۔