صحافیوں کےوائٹ ہاؤس میں داخلے پر نئی پابندیاں عائد

امریکی صدر دفتر وائٹ ہاؤس نے صحافیوں کے داخلے کے قواعد مزید سخت کر دیے ہیں۔

غیر ملکی میڈیا کے مطابق اب صحافی پریس سیکرٹری اور دیگر اعلیٰ حکام کے دفاتر میں بغیر اجازت داخل نہیں ہو سکیں گے۔ نئی پالیسی کے تحت "اپر پریس روم” میں داخلہ صرف پیشگی اپائنٹمنٹ کے ذریعے ممکن ہوگا۔

اعلامیے میں بتایا گیا ہے کہ یہ فیصلہ فوری طور پر نافذ العمل ہوگا اور اس کا مقصد حساس معلومات کے تحفظ کو یقینی بنانا ہے۔

واضح رہے کہ اس سے قبل پینٹاگون میں بھی گزشتہ ماہ اسی نوعیت کی پابندیاں نافذ کی گئی تھیں، جس کے بعد یہ دوسرا اہم اقدام ہے۔