پاک جنوبی افریقہ ون ڈے سیریز، دونوں ٹیمیں فیصل آباد پہنچ گئیں

فیصل آباد: پاکستان اور جنوبی افریقہ کی کرکٹ ٹیمیں ٹی ٹوئنٹی سیریز کے بعد اب ون ڈے سیریز کے لیے فیصل آباد پہنچ گئی ہیں۔

ذرائع کے مطابق آج دونوں ٹیمیں اقبال اسٹیڈیم میں بھرپور پریکٹس سیشن کریں گی، پاکستانی ٹیم صبح ساڑھے 11 بجے جبکہ جنوبی افریقہ کی ٹیم دوپہر 2 بجے ٹریننگ کرے گی۔

پاکستان اور جنوبی افریقہ کے درمیان تین ون ڈے میچوں کی سیریز کا پہلا میچ 4 نومبر کو فیصل آباد کے اقبال اسٹیڈیم میں کھیلا جائے گا۔

واضح رہے کہ اس سے قبل پاکستان نے تین ٹی ٹوئنٹی میچوں کی سیریز دو، ایک سے اپنے نام کر لی تھی۔