ٹرمپ کے قانون پر حملے کے خلاف امریکا کے سینئر ترین جج احتجاجاً مستعفی

 

 واشنگٹن: امریکی وفاقی جج مارک ایل وولف نے صدر ڈونلڈ ٹرمپ کے قانون پر حملے کے خلاف احتجاجاً استعفیٰ دے دیا۔

جج وولف نے 50 سالہ سروس کے بعد کہا کہ اب خاموش رہنا ناقابلِ برداشت ہے اور عدلیہ جمہوریت کے تحفظ کی علامت ہے، لیکن صدر ٹرمپ قانون کو سیاسی انتقام کے لیے استعمال کر رہے ہیں۔

انہوں نے اخبار میں شائع مضمون میں لکھا کہ ٹرمپ مخالفین کو نشانہ بنا رہے ہیں اور اپنے حامیوں اور سرمایہ کار دوستوں کو سزا سے بچا رہے ہیں۔

واضح رہے کہ مارک ایل وولف کو صدر رونالڈ ریگن نے 1985 میں وفاقی جج مقرر کیا تھا، اور وہ امریکا کے سینئر ترین ججز میں شمار ہوتے ہیں۔