بھارتی میڈیا پردھرمیندر کی مبینہ موت کی خبروں پر اہلیہ شدید برہم

 

ممبئی: بالی وڈ لیجنڈ دھرمیندر کی موت کی خبروں کے بعد ان کی اہلیہ ہیما مالنی نے شدید برہمی کا اظہار کیا ہے۔

منگل کی صبح بھارتی میڈیا کے بڑے نام انڈیا ٹوڈے، اے بی پی نیوز، نیوز 18 اور ہندوستان ٹائمز نے دعویٰ کیا کہ دھرمیندر 11 نومبر کو انتقال کر گئے۔ رپورٹس میں بتایا گیا کہ اداکار کو ممبئی کے بریچ کینڈی اسپتال میں داخل کرایا گیا جہاں وہ وینٹی لیٹر پر تھے۔

معروف صحافی راجدیپ سردیسائی اور اداکار و مصنف جاوید اختر نے بھی ٹوئٹس میں دھرمیندر کی موت کی تصدیق کی۔ تاہم اداکار کی بیٹی ایشا دیول نے انسٹاگرام پر پوسٹ کے ذریعے خبروں کی سختی سے تردید کی۔

اب ہیما مالنی نے اپنی ٹوئٹ میں کہا:
"جو کچھ ہو رہا ہے وہ ناقابل معافی ہے! ذمہ دار چینلز ایسے شخص کے بارے میں جھوٹی خبریں کیسے پھیلا سکتے ہیں جو علاج کر رہا ہے اور صحت یاب ہو رہا ہے۔”

اداکارہ نے مزید لکھا کہ یہ عمل تذلیل اور غیر ذمہ دارانہ ہے اور عوام سے اپیل کی کہ فیملی کی پرائیویسی کا احترام کیا جائے۔ ں۔