بنگلادیش ویمن کرکٹ ٹیم کا بھارت کا دورہ ملتوی

ڈھاکا: بنگلادیش ویمن کرکٹ ٹیم کا بھارت کا دورہ ملتوی ہوگیا۔

ترجمان بنگلہ دیش کرکٹ بورڈ (بی سی بی) نے ویمنز ٹیم کے دورۂ بھارت کی ملتوی ہونے کی تصدیق کردی ہے۔بنگلہ دیش کرکٹ بورڈ کے ترجمان کا کہنا ہے کہ بی سی سی آئی نے خط کے ذریعے ہمیں آگاہ کیا ہے، خط میں دورے کو ری شیڈول کرنے کا بتایا گیا ہے۔ دورے کو ملتوی کرنے کی کوئی ٹھوس وجہ نہیں بتائی گئی۔

بھارتی میڈیا کے مطابق بنگلہ دیش کا دورۂ بھارت ملتوی ہونے کی وجہ دونوں ممالک کے درمیان سیاسی تناؤ ہے۔

نگلہ دیش ویمن ٹیم نے دسمبر میں 3 ون ڈے اور 3 ٹی ٹوئنٹی میچز کی سیریز کھیلنے کے لیے بھارت کا دورہ کرنا تھا۔بنگلادیش اور بھارت ویمن ٹیموں کے درمیان سیریز آئی سی سی ایف ٹی پی کا حصہ ہے۔بھارتی بورڈ نے اگست میں بھارتی مینز ٹیم کا دورۂ بنگلہ دیش بھی ملتوی کیا تھا۔ بھارتی ٹیم اب اگلے سال ستمبر میں بنگلہ دیش کا دورہ کرے گی۔