کلاؤڈفلیئر میں تکنینکی خرابی سے پاکستان سمیت دنیا بھر میں انٹرنیٹ سروسز متاثر

اسلام آباد: کلاؤڈفیئر میں تکنینکی خرابی سے پاکستان سمیت دنیا بھر میں انٹرنیٹ سروسزمتاثرہوئی۔

برطانوی میڈیا کا کہنا ہے کہ کلاؤڈفلیئر میں تکنینکی خرابی سے انٹرنیٹ سروسز متاثر ہوگئی، تکنیکی خرابی سے سوشل میڈیا ایپس اور ویب سائٹس بھی متاثر ہوگئیں۔

انٹرنیٹ کی رفتار مانیٹر کرنے والی ویب سائٹ بھی تکنیکی خرابی سے متاثر ہوگئی، انٹرنیٹ براؤزنگ کرنے پر انٹرنل سرور ایرر آن کلاؤڈ فلیئر نیٹ ورک کا میسج سامنے آ رہا ہے۔

اس حوالے سے انٹرنیٹ سروسز فراہم کرنے والی کلاؤڈ فلیئر کمپنی کا بیان بھی سامنے آ گیا،جس میں کہا گیا کہ مسئلے کو حل کرنے پر کام کر رہے ہیں جب کہ سوشل میڈیا سائٹس، اے آئی سروسز اور ایمازون ویب سروسز کو بھی پریشانی کا سامنا ہے۔

دوسری جانب کلاؤڈ فلیئر کمپنی کا کہنا تھا کہ سروس ڈاؤن ہونے کی تحقیقات کر رہے ہیں۔

علاوہ ازیں انٹرنیٹ سروسز متاثرہونے سے میسیجنگ ایپلی کیشن واٹس ایپ سمیت دیگر سوشل میڈیا ایپلی کیشن بھی سست روی کا شکار ہیں، انٹرنیٹ سروس متاثر ہونے سے شہریوں کو پریشانی کا سامنا ہے۔

اِسی طرح دنیا بھر کے صارفین کی جانب سے واٹس ایپ پر پیغامات ڈاؤن لوڈ نہ ہونے کی اطلاعات بھی سامنے آئی ہیں۔