آغاز سے صرف 2 روز قبل گلین میگرا ایشیز کمنٹری پینل سے فارغ

 

ایشیز سیریز کے آغاز سے صرف دو روز قبل سابق آسٹریلوی فاسٹ بولر گلین میگرا کمنٹری پینل سے فارغ کر دیے گئے۔ آسٹریلوی میڈیا کے مطابق قومی براڈکاسٹر ادارے نے گلین میگرا کو ریڈیو کمنٹری پینل سے الگ کیا، جس کی وجہ ان کا آن لائن جوئے کی کمپنی کے ساتھ تعلق بتایا گیا ہے۔

یہ بھی پڑھیں:۔ سابق کپتان یونس خان کی گانے کی ویڈیو سوشل میڈیا پر وائرل

ادارے کی پالیسی کے مطابق کسی بھی ملازم کا جوئے کی کمپنی کے ساتھ تعلق نہیں ہو سکتا، اور میگرا کے فاؤنڈیشن سپورٹ کے لیے اس تعلق کو مسئلہ قرار دیا گیا۔ براڈکاسٹر نے بیان میں کہا کہ گلین میگرا اور ادارے نے باہمی اتفاق سے راستے جدا کرنے کا فیصلہ کیا۔ یاد رہے کہ 2022 میں سابق فاسٹ بولر میچل جانسن بھی اسی پالیسی کے تحت پینل سے فارغ ہو چکے ہیں۔