متحدہ عرب امارات کے صدر محمد بن زایدالنہیان کل پاکستان کا دورہ کریں گے

اسلام آباد: متحدہ عرب امارات کے صدر شیخ محمد بن زاید النہیان کل جمعہ کو سرکاری دورے پر پاکستان آئیں گے۔ دفتر خارجہ کے ترجمان کے مطابق وزیراعظم شہباز شریف نے اماراتی صدر کو دورہ پاکستان کی دعوت دی تھی۔

شیخ محمد بن زاید النہیان صدر آصف علی زرداری، وزیراعظم شہباز شریف اور دیگر اعلیٰ حکام سے ملاقاتیں کریں گے۔ ملاقاتوں میں دوطرفہ تعلقات کے تمام پہلوؤں کا جائزہ لیا جائے گا اور علاقائی و عالمی امور پر بھی تبادلہ خیال کیا جائے گا۔

واضح رہے کہ اماراتی صدر کی آمد کے پیش نظر اسلام آباد میں جمعہ 26 دسمبر کو عام تعطیل کا اعلان کیا گیا ہے تاکہ سرکاری اور عوامی سرگرمیاں متاثر نہ ہوں۔