ٹی ٹی پی افغانستان امریکی ہتھیاروں سے پاکستان میں دہشتگردی کر رہی ہے،امریکی جریدہ

امریکی جریدے "دی جیو پالیٹکس” نے کہا ہے کہ تحریکِ طالبان پاکستان (ٹی ٹی پی) افغانستان میں موجود امریکی ہتھیاروں سے پاکستان میں دہشت گردی کر رہی ہے۔ جریدے کے مطابق ٹی ٹی پی پاکستانی فورسز اور شہریوں پر مسلسل حملے کر رہی ہے اور خیبرپختونخوا میں دہشت گرد کارروائیاں اور پرتشدد حملے انجام دے رہی ہے۔

رپورٹ میں بتایا گیا کہ افغانستان میں موجود امریکی ہتھیاروں کی مالیت 7 ارب ڈالر سے زائد ہے، جن میں ایم 4 اور ایم 16 رائفلیں، نائٹ وژن سائٹس وغیرہ شامل ہیں، اور یہ ہتھیار دہشت گرد نیٹ ورکس کی دسترس میں آ چکے ہیں۔

امریکی جریدے کے مطابق یہ ہتھیار افغانستان کی بلیک مارکیٹ میں فروخت کیے جا رہے ہیں، جس سے دہشت گرد گروپ اپنی کارروائیوں کو فروغ دے رہے ہیں۔ دوسری جانب پاکستانی سکیورٹی ذرائع کا کہنا ہے کہ پاکستان نے ثابت کیا ہے کہ افغانستان میں موجود دہشت گرد امریکی ہتھیاروں کے ذریعے حملہ آور ہیں۔