ملائشیا میں موجودافغان رہنما گلبدین حکمت یار کی طبیعت ناساز۔ ہسپتال میں زیرعلاج

 

ملائیشیا میں افغان رہنما گلبدین حکمت یار کی طبیعت ناسازہوگئی جس پر انہیں ہسپتال منتقل کی گیا جہاں وزیراعظم انور ابراہیم نے ان کی عیادت کی۔

عالمی خبر رساں ادارے کے مطابق اپنے پیغام میں ملائیشیا کے وزیراعظم نے کہا کہ ایک پرانے دوست اور افغانستان کے سابق وزیرِاعظم گلبدین حکمت یار سے ملاقات کی۔انھوں نے دعا کی کہ اللہ تعالیٰ گلبدین حکمت یار کو جلد اور مکمل صحت عطا فرمائے اور ان کے علاج میں آسانیاں پیدا ہوں۔

بین الاقوامی میڈیا کے مطابق گلبدین حکمت یار گزشتہ ماہ علاج کی غرض سے ملائیشیا پہنچے تھے جہاں وہ ایک نجی اسپتال میں زیرِ علاج ہیں۔ان کے قریبی حلقوں کا کہنا ہے کہ طبی ماہرین ان کی صحت پر نظر رکھے ہوئے ہیں اور حالت تسلی بخش بتائی جا رہی ہے۔

یاد رہے کہ گزشتہ برس طالبان حکومت کی جانب سے گلبدین حکمت یار کی سیاسی و عوامی سرگرمیوں پر پابندیاں عائد کی گئی تھیں۔ان پابندیوں کے بعد گلبدین حکمتیار کا یہ پہلا بین الاقوامی سفر ہے تاہم یہ معلوم نہیں کہ وہ کب ملائیشیا گئے تھے۔

گلبدین حکمت یار سوویت دور میں مزاحمتی تحریک کے اہم رہنما رہے ہیں اور سوویت افواج کے انخلا کے بعد وہ افغانستان کے نائب وزیرِاعظم بھی بنے تھے۔