تھرپارکرمیں 3ہفتوں کے دوران غذائی قلت،سردی اور دیگر امراض سے 45بچے دم توڑگئے

 

 تھرپارکر ،سندھ کے ضلعی ہیڈکوارٹر مٹھی کے اسپتال میں گذشتہ تین ہفتوں میں غذائی قلت اور مختلف امراض کے باعث 45 معصوم بچے دم توڑ گئے،75 بچے اب بھی زیر علاج ہیں۔

 

ایم ایس سول اسپتال مٹھی کے مطابق 24گھنٹوں کے دوران جاں بحق 3 بچوں کی عمریں ایک سال سے کم تھیں۔سردی اور غذائی قلت کے باعث یہ بچے پیدائشی طور پر کم وزن اور مختلف بیماریوں کا شکار تھے جو دوران علاج جانبر نہ ہوسکے۔

 

ایم ایس مٹھی اسپتال کا کہنا ہے کہ بچوں کے وارڈ میں گنجائش 70 بچوں کی ہے ، اس وقت سردی اور دیگر امراض میں مبتلا 76بچے زیر علاج ہیں۔بیمار بچوں کے والدین کا کہنا ہے کہ اسپتال کے بچوں کے انتہائی نگہداشت وارڈ میں طبی سہولیات کی کمی کا سامنا ہے۔