ہماری ذمہ داری امن کا پیغام دینا ہے، ہم جنگ کے حامی نہیں، پوپ لیو کا ٹرمپ کو جواب

ویٹیکن سٹی(اُمت نیوز)پوپ لیو  نے امریکی صدر ڈونلڈ ٹرمپ کی ایران جنگ سے متعلق تنقید کے جواب میں واضح مؤقف اختیار کرتے ہوئے کہا ہے کہ چرچ کا کردار امن کا پیغام دینا ہے، نہ کہ جنگ کی حمایت کرنا۔

پوپ لیو جو 2025 میں پہلے امریکی نژاد پوپ منتخب ہوئے، افریقہ کے دورے کے دوران طیارے میں صحافیوں سے گفتگو کر رہے تھے۔

انہوں نے کہا کہ ان کی ذمہ داری سیاسی مفادات نہیں بلکہ انجیل کی تعلیمات کے مطابق امن کی آواز بلند کرنا ہے۔

Pope Leo XIV:

I have no fear of the Trump administration or speaking out loudly of the message of the Gospel, which is what I believe I am here to do, what the Church is here to do.

We are not politicians. We don’t deal with foreign policy with the same perspective he might… pic.twitter.com/yEHAAsg7GS

— Clash Report (@clashreport) April 13, 2026

ان کا کہنا تھا کہ “ہماری ذمہ داری امن کا پیغام دینا ہے، ہم جنگ کے حامی نہیں ہیں۔ انہوں نے مزید کہا کہ چرچ ہر حال میں امن، برداشت اور انسانی ہمدردی کے اصولوں پر قائم رہے گا۔

یہ بیان ایسے وقت میں سامنے آیا ہے جب امریکی صدر ڈونلڈ ٹرمپ نے ایران کے حوالے سے پوپ کے مبینہ نرم مؤقف پر تنقید کی تھی۔