خطے میں بدامنی کی ذمے دار ’امریکی کٹھ پتلی ریاستیں‘ ہیں: ایرانی سپریم لیڈر

ایرانی سپریم لیڈر نے کہا کہ ایرانی عوام اپنے ملک کی ایٹمی اور میزائل ٹیکنالوجی کو “قومی اثاثہ” سمجھتے ہیں۔ انہوں نے اس عزم کا اعادہ کیا کہ ان صلاحیتوں کی حفاظت بالکل اسی طرح کی جائے گی جیسے ملک کی آبی، زمینی اور فضائی سرحدوں کا دفاع کیا جاتا ہے۔

مجتبی خامنہ ای کا کہنا ہے کہ خلیج فارس اور آبنائے ہرمز کے لیے ایک نیا باب تحریر کیا جا رہا ہے۔

یوم خلیج فارس کے موقع پر اپنے پیغام میں مجتبی خامنہ ای نے کہا کہ خلیج فارس خطے کے روشن مستقبل میں ’امریکہ کا کوئی عمل دخل نہیں ہو گا‘ اور یہ کہ آبنائے ہرمز کے ’نئے نظام‘ پر عملدرآمد سے تمام ممالک مستفید ہوں گے۔

ان کا دعویٰ ہے کہ ’خلیج فارس میں عدم تحفظ کی بنیادی وجہ یہاں امریکی موجودگی ہے۔

ان کا کہنا ہے کہ امریکی اڈے نہ تو خود کی اور نہ ہی خطے کے دیگر ممالک کی سلامتی کو یقینی بنا سکتے ہیں۔

ایرانی رہبر اعلیٰ نے مزید کہا کہ ’خلیج فارس کا روشن مستقبل امریکہ سے پاک ہو گا۔‘

مجتبی خامنہ نے یہ بھی کہا کہ ایران آبنائے ہرمز کا کنٹرول سنبھال کر ’خلیج فارس کے خطے کو محفوظ بنائے گا اور دشمن کی جانب سے اس آبی گزرگاہ کے استحصال کو ختم کرے گا۔

ان کا کہنا تھا کہ ’آبنائے ہرمز کے ’نئے نظم و انتظام‘ کے قانونی قواعد اور ان کا نفاذ خطے کی تمام اقوام کے لیے آسائش اور ترقی لے کر آئیں گے۔