آبنائے ہرمز سے گزرنے پر کوئی فیس ادا نہیں کی۔ جاپانی شپنگ کمپنی کا دعویٰ

جاپان کی شپنگ کمپنی “مٹسوئی او ایس کے لائنز” نے کہا ہے کہ اس کے تین جہاز، جو اپریل میں آبنائے ہرمز سے گزر کر خلیج سے باہر نکلے، انہوں نے کسی قسم کی ٹرانزٹ فیس ادا نہیں کی۔

تہران نے امریکہ اور اسرائیل کے ساتھ جنگ کے خاتمے سے متعلق اپنی تجاویز میں آبنائے ہرمز سے گزرنے والے جہازوں پر فیس یا ٹول عائد کرنے کی تجویز دی تھی۔

کمپنی کے ترجمان نے بتایا کہ مستقبل میں بھی ایسی کوئی فیس ادا کرنے کا ارادہ نہیں رکھتی۔

جب ان سے پوچھا گیا کہ جہاز آبنائے ہرمز سے کیسے گزرنے میں کامیاب ہوئے تو کمپنی نے کہا کہ اس میں متعلقہ ممالک اور دیگر فریقین کی کوششوں کا کردار تھا۔

ترجمان نے مزید کہا کہ کمپنی اپنے عملے، جہازوں اور سامان کی حفاظت کو ہر چیز پر ترجیح دیتی رہے گی۔

کمپنی سے وابستہ ادارے کے دو بھارتی پرچم بردار مائع پیٹرولیم گیس بردار جہاز بھی حال ہی میں اس راستے سے گزر چکے ہیں۔