امریکہ نے ایرانی جمہوریت نوازخاتون کو وسطی افریقی جمہوریہ ڈی پورٹ کردیا

امریکہ نے ایک ایرانی جمہوریت نواز خاتون کو وسطی افریقی جمہوریہ ڈی پورٹ کر دیا ہے، ان کے وکیل نے غیر ملکی خبر رساں ادارے کو بتایا۔

وکیل ایملی ٹروسٹل، جو اس خاتون اور دو دیگر ایرانی خواتین کی نمائندگی کر رہی ہیں جنہیں امریکہ سے ڈی پورٹ کیا جا رہا ہے، نے کہا کہ انہوں نے امریکی حکام کو اس اقدام کو “انتہائی خطرناک” قرار دیتے ہوئے خبردار کیا تھا۔

انہوں نے کہا کہ ان افراد کو امریکہ سے نکال کر ایسے ملک بھیجا جا رہا ہے جہاں ان کا کوئی قانونی اسٹیٹس نہیں، نہ کوئی تعلق اور نہ ہی کوئی سپورٹ نیٹ ورک موجود ہے۔ ان کے مطابق خدشہ ہے کہ یہ افراد بالآخر ان ہی ممالک کو واپس بھیجنے پر مجبور ہو جائیں گے جہاں سے وہ فرار ہو کر آئے تھے۔

ادھر امریکی محکمہ خارجہ اور وسطی افریقی جمہوریہ کی صدارت نے اس معاملے پر روئٹرز کی درخواست پر فوری طور پر کوئی ردعمل نہیں دیا۔

امریکی محکمہ ہوم لینڈ سیکیورٹی نے گزشتہ ہفتے کہا تھا کہ تمام ڈی پورٹ کیے جانے والے افراد کو مکمل قانونی کارروائی فراہم کی جائے گی۔