چین میں 22سال سے لاپتہ بچی اپنےگھر واپس آگئی

چین میں لاپتہ ہونے والی ایک خاتون گھر سے بھاگنے کے 22 سال بعد دوبارہ اپنے  خاندان سے مل گئی۔

میڈیا رپورٹس کے مطابق لیو شیو ہونگ، جو اب 31 سال کی ہیں، گانزو جیانگزی صوبے کے ایک دیہی خاندان سے تعلق رکھتی ہیں اور اپنے لاپتہ ہونے کے وقت اپنے مزدور والدین کے ساتھ جیانگ سٹی، گوانگ ڈونگ میں مقیم تھیں۔

لیو 19 مارچ 2004 کو ایک دوست کے گھر کھیل رہی تھیں جب انہوں نے غلطی سے شاور جیل کی ایک بوتل توڑ دی، اور گھر واپس آنے پر سزا کے خوف سے فرار ہو گئیں۔

نو سالہ بچی جیانگ شہر میں سبزی منڈی کے قریب لاپتہ ہو گئی تھی، اور شام کے وقت اسے ایک شخص نے گود لے لیا جو اسے اپنے گھر لے گیا۔

لیو کے والدین کی جانب سے بیٹی کی تلاش کی اپیلیں تین دن تک جیانگ نیوز اسٹیشن پر نشر کی گئیں۔

بعد ازاں لیو کو ڈی این اے میچ کے ذریعے اپنے والدین سے دوبارہ ملایا گیا، جس کے بعد جیانگزی میں ان کے گھر پر بینرز، پھولوں اور پٹاخوں کے ساتھ ان کا استقبال کیا گیا۔

اس موقع پر لیو کی والدہ بیٹی سے اس کی حفاظت نہ کر سکنے پر معافی مانگتی نظر آئیں۔