آبنائے ہرمز ایران کے خودمختار پانیوں کا حصہ ہے۔ ایرانی رکن پارلیمنٹ

ایرانی رکن پارلیمنٹ کا کہنا ہے کہ آبنائے ہرمز ایران کے “خودمختار پانیوں” کا حصہ ہے۔

ایرانی پارلیمنٹ کی قومی سلامتی اور خارجہ پالیسی کمیٹی کے سربراہ ابراہیم عزیزی نے امریکا اور ایران کے درمیان جاری مذاکرات کے دوران آبنائے ہرمز کے حوالے سے خبردار کیا ہے۔

انہوں نے سوشل میڈیا پلیٹ فارم ایکس پر کہا کہ “آپ دھمکیاں دیتے ہیں، ہم کارروائی کرتے ہیں۔ آبنائے ہرمز نہ آپ کا ذاتی جوا خانہ ہے اور نہ ہی جدید دور کے قزاقوں کا پچھواڑا۔ یہ ایران کے خودمختار پانی ہیں، اور آخری فیصلہ ایران کے عظیم عوام اور بہادر مسلح افواج کا ہوگا۔

ایران کی جانب سے علاقائی جنگ بندی کے تنازعات کے جواب میں اس آبی گزرگاہ کو دوبارہ بند کرنے کے اعلان کے بعد آبنائے ہرمز سے گزرنے پر سخت پابندیاں عائد کر دی گئی ہیں۔

ابراہیم عزیزی ایرانی پارلیمنٹ میں خارجہ پالیسی کے حوالے سے سخت گیر مؤقف رکھنے والی آوازوں میں شمار ہوتے ہیں اور وہ مسلسل ایران کے جوہری پروگرام اور آبنائے ہرمز کے معاملے پر سخت رویہ اختیار کرتے آئے ہیں۔