جنوبی لبنان میں اسرائیلی حملے۔حزب اللہ کے 10 ٹھکانے نشانہ بنانے کادعویٰ

جنوبی لبنان میں اسرائیلی فوج نے اپنی کارروائیاں جاری رکھتے ہوئے حزب اللہ کے متعدد ٹھکانوں کو نشانہ بنانے کا دعویٰ کیا ہے۔

اسرائیلی فوج کے مطابق کارروائی کے دوران حزب اللہ سے منسلک تقریباً 10 انفراسٹرکچر مقامات پر حملے کیے گئے۔ فوج نے یہ بھی دعویٰ کیا کہ سکیورٹی زون کے قریب ایک ٹرک کو نشانہ بنایا گیا، جو مبینہ طور پر حزب اللہ کے لیے اسلحہ منتقل کر رہا تھا۔

دوسری جانب گزشتہ ماہ اسرائیل اور لبنان کشیدگی میں کمی لانے کے لیے ایک فریم ورک معاہدے پر متفق ہوئے تھے، تاہم حزب اللہ اس معاہدے سے متعلق مذاکرات میں شامل نہیں تھی، جس کے باعث خطے میں تناؤ بدستور برقرار ہے۔