ایران کا عمان کی بندرگاہ دُقم پر بڑا حملہ کرنے کا دعویٰ

ایران کی اسلامی انقلابی گارڈ کور نے دعویٰ کیا ہے کہ اس نے عمان کی بندرگاہ دُقم میں امریکی طیارہ بردار جہازوں کے لیے استعمال ہونے والے لاجسٹک سپورٹ مراکز اور ایندھن بھرنے کے پلیٹ فارمز پر “شدید اور اچانک” حملہ کیا ہے۔

ایرانی سرکاری نشریاتی ادارے آئی آر آئی بی کے مطابق، آئی آر جی سی کے شعبۂ تعلقاتِ عامہ نے کہا ہے کہ حملے میں مذکورہ تنصیبات کو تباہ کر دیا گیا۔

پاسداران انقلاب کے مطابق عمان میں یہ کارروائی امریکا کی جانب سے کیے گئے بمباری حملوں کے جواب میں شروع کیے گئے جوابی اقدامات کے تیسرے مرحلے کا حصہ ہے۔