پاکستان اور آسٹریلیا کے درمیان ٹی 20سیریز کا پہلا میچ آج کھیلا جائے گا

پاکستان اور آسٹریلیا کے درمیان تین میچز کی ٹی ٹونٹی سیریز کا پہلا میچ آج ابوظہبی میں کھیلا جائے گا۔
دونوں ٹیموں کے درمیان پہلا ٹی ٹونٹی میچ آج رات پاکستانی وقت کے مطابق 9 بجے کھیلا جائے گا۔
پاکستانی کپتان سرفراز احمد کا کہنا ہے کہ آسٹریلیا کی ٹیم ٹی ٹونٹی کی خطرناک ٹیم ہے ، ہم پہلا میچ جیت کر مخالف ٹیم کو پریشر میں لانے کی پوری کوشش کریں گے۔
پاکستان ٹیم کو سیریز میں شعیب ملک کی خدمات حاصل نہیں ہوں گی، تاہم فخر زمان، محمد حفیظ، بابر اعظم اور حسن علی پاکستانی اسکواڈ کا حصہ ہوں گے۔
دوسری جانب آسٹریلین کپتان ایرون فنچ کہتے ہیں کہ پاکستانی ٹیم کو کسی صورت بھی آسان نہیں لے سکتے، سرفراز کی قیادت میں ٹیم جیت کر ٹریک پر ہے، ٹف میچ ہوں گے ۔