افغان طالبان کے حملوں میں افغان فورسز کےدرجنوں اہلکار ہلاک

افغان طالبان کے حملوں میں سیکیورٹی فورسز کے درجنوں اہلکار ہلاک اور متعدد زخمی ہو گئے۔امریکی میڈیا کے مطابق افغان حکام کی جانب سے ہلمند کے ضلع سنگین میں جمعے کے روز بڑا سیکیورٹی فورسز پر بڑا حملہ کیا گیا لیکن افغان حکام ابھی تک اس حملے کی تصدیق یا تردید نہیں کر رہے۔

افغان رکن پارلیمنٹ اور دفاعی کمیٹی کے رکن محمد ہاشم الوکزئی کےمطابق  جمعہ اور ہفتے کی درمیانی شپ طالبان کی جانب سے کئے گئے حملوں میں 65 اہلکار ہلاک ہوئے جن میں سے 48 افغان نیشنل آرمی اور 10 حکومتی اتحاد میں شامل ملیشیا جنگجو ہیں۔ان کا کہنا ہے کہ حکومت اس حملے کو خفیہ رکھنا چاہ رہی ہے لیکن میں وہاں کے مقامی افراد اور حکام سے مسلسل رابطے میں ہوں۔

نیویارک ٹائمز کی رپورٹ کے مطابق گزشتہ ہفتے میں افغان طالبان کے حملوں میں سیکیورٹی فورسز کے کم از کم 40 اہلکار ہلاک ہوئے لیکن دو دن گزرنے کے باوجود افغان حکام نے ایک بھی اہلکار کی ہلاکت کی تصدیق نہیں کی۔