قربانی کے جانوروں کی باقیات تلف کرنے کیلیےپاک فضائیہ کی آگاہی مہم

پاک فضائیہ کی ڈائریکٹوریٹ آف فلائٹ سیفٹی نے عیدالاضحیٰ کے موقع پر مفادِ عامہ کا پیغام نشر کیا ہے جس میں عوام کو قربانی کے جانوروں کی اوجھڑیوں اوردیگر باقیات کو محفوظ طریقے سے تلف کرنے کی تلقین کی گئی ہے۔

اس پیغام میں بتایا گیا ہے کہ قربانی شدہ جانوروں کی باقیات کو پاک فضائیہ کے ائیر بیسزکے پاس پھینکنے سے پرندے ان کی جانب راغب ہوتے ہیں جو کہ طیاروں اور ہوا بازوں کے لیے خطرے کا باعث بنتے ہیں۔

#PAKISTANAIRFORCE: WE FLY TO PROTECT OUR MOTHERLAND FROM ALL HARMS. MAKE SURE REMAINS OF SLAUGHTERED ANIMALS AT PROPER PLACE ON THIS EID. THIS WILL HELP ENSURING THE SAFETY OF OUR AIRCRAFT AND PILOTS FROM DANGEROUS #BIRDSTRIKE #EidMubarak #PAF #EidAlAdha pic.twitter.com/cVZMXxw28f

— PAF Falcons (@PAFFalconsPK) July 30, 2020

یہ پرندے طیاروں سے ٹکرا کر جہاز کو تباہ کر سکتے ہیں جس کے نتیجے میں قیمتی جانوں اوراملاک کو ناقابلِ تلافی نقصان پہنچنے کا امکان بڑھ جاتا ہے۔

اس پیغام میں لوگوں سے گزارش کی گئی ہے کہ قربانی شدہ جانوروں کی باقیات مخصوص کردہ جگہوں پر پھینکیں یا انہیں زمین میں دبا دیں اور اپنے اردگرد کے ماحول کی صفائی کو یقینی بنائیں۔

مفادِ عامہ کایہ پیغام ریڈیو،ٹی وی، اخبارات، سوشل میڈیا اور موبائل فون کے ذریعے لوگوں تک پہنچایا جا رہا ہے۔