غیر سرکاری تنظیم دی برج کے تحت گلشن حدید میں مفت ڈینٹل کیمپ کا انعقاد

گلشن حدید میں مفت ڈینٹل کیمپ کا انعقاد کیا گیا جس میں عوام کی بڑی تعداد میں شرکت کی۔
غیر سرکاری تنظیم دی برج نے ڈاکٹروں اور رضاکاروں کی ٹیم کے ہمراہ دانتوں کے جملہ امراض کا معائنہ کیا۔

ڈاؤ میڈیکل کے ڈاکٹرز اور کے ایم ڈی سی کے رضا کاروں نے مریضوں کا معائنہ کیا اور ادویات تجویز کیں۔

اس موقع پر بانی دی برج علی صہیب کا کہنا تھا کہ برج کے تحت ایسے کیمپس مزید منعقد کریں گے۔
علی صہیب نے کہا کہ عوام کی مدد اور مثبت سرگرمیوں کا فروغ ہمارا مقصد ہے۔ ایسے کیمپس دانتوں کی صحت کے حوالے سے مفید ہیں۔

ڈاکٹر جہانزیب کا اس موقع پر کہنا تھا کہ دانتوں کے حوالے سے مکمل آگاہی ضروری ہے. عوام پان، گٹکے اور چھالیہ سے پرہیز کریں۔