کراچی: نجی اسکولوں کی فیسوں میں 30 سے 40 فیصداضافہ

کراچی (اسٹاف رپورٹر )نجی اسکولوں نے فیسوں میں 30 سے 40 فیصد اضافہ کردیاجبکہ اسکولوں کوفیس میں سالانہ صرف 10فیصد اضافےکی اجازت ہے۔تفصیلات کےمطابق نجی اسکولوں نےغیرقانونی طور پرفیسوں میں 30 سے 40 فیصد اضافہ کردیا ہے ،ذرائع نے بتایا کہ نجی اسکولوں نے فیسوں میں غیرقانونی اضافہ کی منظوری محکمہ تعلیم سے لی۔

اس حوالے سے محکمہ تعلیم سندھ نےکہاکہ نجی اسکولوں کی فیس میں غیرقانونی اضافہ سےوزیرتعلیم لاعلم ہیں، اسکولوں کو فیس میں سالانہ صرف 10فیصد اضافےکی اجازت ہے۔