ایران جنگ سے بے یقینی۔ آسٹریلیا توانائی تحفظ کے لیے متحرک

ایران کے خلاف جنگ کے باعث پیدا ہونے والی قلت سے نمٹنے کے لیے آسٹریلیا کی حکومت نے ایک کثیر ملین ڈالر کی اشتہاری مہم شروع کی ہے، جس میں شہریوں کو “ہمارے ٹرک ڈرائیورز” کے لیے ایندھن بچانے کی ترغیب دی جا رہی ہے۔

چونکہ آسٹریلیا بڑی حد تک جنوب مشرقی ایشیائی ممالک میں ریفائن ہونے والے تیل پر انحصار کرتا ہے، جو خام تیل آبنائے ہرمز کے ذریعے درآمد کرتے ہیں، اس لیے حکومت نے “فیول ڈپلومیسی” کا سہارا لیا ہے اور قیمتوں میں اچانک اضافے کو روکنے کے لیے ایندھن پر ٹیکس میں کمی بھی متعارف کرائی ہے۔

تاہم ماہرین نے الجزیرہ کو بتایا کہ یہ اقدامات محض وقتی ریلیف ہیں اور آسٹریلیا کے فوسل فیول پر بھاری انحصار جیسے طویل المدتی مسائل کو حل کرنے میں زیادہ مؤثر ثابت نہیں ہوں گے۔