کراچی،رینجرز آفس کے قریب کار بم حملہ ناکام،سیکیورٹی فورسز کی جوابی کارروائی میں 5 حملہ آور ہلاک

کراچی: شہر کے علاقے گلشنِ اقبال میں یونیورسٹی روڈ پر واقع رینجرز کی ایک تنصیب پر مبینہ بارود سے بھری گاڑی کے ذریعے حملے کی کوشش کو سیکیورٹی اہلکاروں نے بروقت کارروائی کرتے ہوئے ناکام بنا دیا۔

ابتدائی اطلاعات کے مطابق گیٹ پر تعینات چوکس اہلکاروں نے حملہ آوروں کو مرکزی تنصیب تک پہنچنے سے پہلے ہی روک لیا، جس کے بعد فائرنگ کا تبادلہ ہوا۔ سیکیورٹی ذرائع کے مطابق جوابی کارروائی میں پانچ مبینہ حملہ آور مارے گئے۔

🔴🔴🔴کراچی: گلشنِ اقبال کے قریب رینجرز تنصیب پر گاڑی میں نصب بم سے حملہ کیا گیا۔ الرٹ اہلکاروں نے فوری کارروائی کرتے ہوئے دہشت گردوں کو روک لیا۔ 5 دہشت گرد ہلاک ہو گئے، کلیئرنس آپریشن جاری ہے۔ pic.twitter.com/L71lw2miC4

— Hareem (@Hareem_heree) June 27, 2026

واقعے کے دوران گلستانِ جوہر بلاک 6 اور اطراف کے علاقوں میں شدید فائرنگ اور دھماکے کی آوازیں سنی گئیں، جس سے علاقے میں خوف و ہراس پھیل گیا۔ اطلاع ملتے ہی پولیس، رینجرز اور دیگر قانون نافذ کرنے والے اداروں کی بھاری نفری موقع پر پہنچ گئی اور علاقے کو گھیرے میں لے لیا۔

کراچی یونیورسٹی روڈ موسمیات چورنگی کے نزدیک فائرنگ، دو رینجر جوان شہید 3 زخمی ایک دہشتگرد بھی مارا گیا۔ pic.twitter.com/CBw4LtPbS1

— Sajjad Meher (@sajjad_meher) June 27, 2026

حکام کے مطابق کلیئرنس آپریشن جاری ہے جبکہ حملے کی نوعیت، حملہ آوروں کی شناخت اور دیگر پہلوؤں کی تحقیقات کی جا رہی ہیں۔

ابتدائی اطلاعات کے مطابق تاحال کسی شہری یا سیکیورٹی اہلکار کے جانی نقصان کی سرکاری طور پر تصدیق نہیں کی گئی، جبکہ واقعے سے متعلق مزید تفصیلات کا انتظار ہے۔

کراچی : مبینہ طور پر پانچ دہشتگردوں کے جہنم واصل ہونے اور ایک کی گرفتاری کی خبر۔۔۔۔ pic.twitter.com/UausrlvCSA

— Shahid Hussain (@ShahidHussainJM) June 27, 2026