آصف علی زرداری کی ڈونلڈ ٹرمپ کو اسلام آباد آنے کی دعوت

پاکستان کے صدر آصف علی زرداری نے امریکی یومِ آزادی کے موقع پر امریکی صدر ڈونلڈ ٹرمپ کو پاکستان کے سرکاری دورے کی باضابطہ دعوت دے دی ہے۔

صدر مملکت کی جانب سے جاری بیان میں کہا گیا کہ پاکستان کے عوام امریکی صدر کا اسلام آباد میں خیرمقدم کرنے کے لیے پرجوش ہیں۔ اس موقع پر صدر کے سرکاری سوشل میڈیا اکاؤنٹ سے ایک خصوصی پیغام بھی جاری کیا گیا، جس میں پاکستان اور امریکا کے پرچموں کے ساتھ دونوں ممالک کے دوستانہ تعلقات کو اجاگر کیا گیا۔

President Zardari conveyed that the people of Pakistan would be honoured to host President Trump in Islamabad at his earliest convenience. pic.twitter.com/T5GWa2ScUJ

— The President of Pakistan (@PresOfPakistan) July 4, 2026

بیان میں پاکستان اور امریکا کے درمیان دیرینہ شراکت داری، باہمی تعاون اور سفارتی روابط کو مزید مضبوط بنانے کے عزم کا اظہار کیا گیا۔ اس میں دونوں ممالک کے درمیان تجارت، سرمایہ کاری اور علاقائی امن و استحکام کے شعبوں میں تعاون بڑھانے کی اہمیت پر بھی زور دیا گیا۔

حکومتی مؤقف کے مطابق یہ سفارتی اقدام پاکستان اور امریکا کے تعلقات کو مزید وسعت دینے اور مشترکہ مفادات کے فروغ کی جانب ایک مثبت پیش رفت کے طور پر دیکھا جا رہا ہے۔