بلوچستان میں سیکیورٹی فورسز کی کارروائیاں جاری، مزید 9 مبینہ دہشت گرد ہلاک
حالیہ کارروائیوں میں فضائی اور زمینی آپریشن کے ذریعے 9 مبینہ دہشت گردوں کو نشانہ بنایا گیا۔
کوئٹہ: بلوچستان میں سیکیورٹی فورسز کی جانب سے دہشت گردی کے خلاف جاری مشترکہ کارروائیوں کے دوران مزید 9 مبینہ دہشت گردوں کے ہلاک ہونے کا دعویٰ کیا گیا ہے۔
سیکیورٹی ذرائع کے مطابق پاک فوج، فرنٹیئر کور (ایف سی) بلوچستان اور پولیس مشترکہ طور پر مختلف علاقوں میں آپریشنز جاری رکھے ہوئے ہیں۔ ذرائع کا کہنا ہے کہ حالیہ کارروائیوں میں فضائی اور زمینی آپریشن کے ذریعے 9 مبینہ دہشت گردوں کو نشانہ بنایا گیا۔
سرکاری ذرائع کے مطابق ان کارروائیوں کے بعد جاری آپریشن میں ہلاک ہونے والے مبینہ دہشت گردوں کی مجموعی تعداد 52 ہو گئی ہے، جبکہ 5 جولائی سے مختلف انٹیلی جنس بیسڈ اور دیگر کارروائیوں میں مجموعی طور پر 88 مبینہ دہشت گرد ہلاک کیے جانے کا دعویٰ کیا گیا ہے۔
🚨 بریکنگ
🚨 بلوچستان: آپریشن شعبان
🚨 ہفتہ : گیارہ بج کر پندرہ منٹ : اپڈیٹپاک فوج ، ایف سی بلوچستان اور پولیس کا مشترکہ "آپریشن شعبان" جاری
تازہ کارروائیوں کے دوران 9 خارجیوں کو ہلاک کیا گیا۔
دشوار گزار راستوں اور پہاڑوں میں چھپے ہوئے خارجی دہشتگردوں کو ہوائی و زمینی… https://t.co/sytNcaeczd pic.twitter.com/YK3jMKflWW
— Eagle Eye (@zarrar_11PK) July 11, 2026
سیکیورٹی حکام کا کہنا ہے کہ بلوچستان میں دہشت گردی کے خاتمے اور امن و امان کی بحالی کے لیے کارروائیاں جاری رہیں گی اور خطرات کے مکمل خاتمے تک آپریشنز کا سلسلہ برقرار رکھا جائے گا۔
دوسری جانب صدرِ مملکت آصف علی زرداری اور وزیرِ اعظم شہباز شریف نے کامیاب کارروائیوں پر سیکیورٹی فورسز کو خراجِ تحسین پیش کرتے ہوئے دہشت گردی کے خلاف ان کی کوششوں کو سراہا اور ملک میں امن کے قیام کے عزم کا اعادہ کیا۔