نورین نیازی کے بیان پر حکومتی رہنماؤں کی تنقید،بیان افسوسناک قرار

اسلام آباد: وفاقی وزیر ڈاکٹر طارق فضل چودھری اور وزیر مملکت برائے داخلہ طلال چودھری نے نورین نیازی کے حالیہ بیان پر ردعمل دیتے ہوئے اسے افسوسناک قرار دیا ہے۔

ڈاکٹر طارق فضل چودھری نے میڈیا سے گفتگو میں کہا کہ “معرکۂ حق” کو وہ ایک اہم قومی کامیابی سمجھتے ہیں۔ ان کے مطابق پاکستان کی کامیابیوں کو عالمی سطح پر بھی سراہا گیا اور اس حوالے سے امریکی صدر ڈونلڈ ٹرمپ کے بیانات کا بھی حوالہ دیا۔ انہوں نے کہا کہ ایسے موقع پر اس نوعیت کے بیانات قومی اتفاقِ رائے کے لیے سودمند نہیں۔

وزیر مملکت برائے داخلہ طلال چودھری نے بھی نورین نیازی کے بیان پر تنقید کرتے ہوئے کہا کہ قومی معاملات پر ذمہ دارانہ رویہ اختیار کیا جانا چاہیے۔ ان کا کہنا تھا کہ بعض سیاسی بیانات ملک کے مفاد کے بجائے اختلافات کو بڑھاوا دیتے ہیں، جس سے گریز ضروری ہے۔

دونوں وفاقی رہنماؤں نے اس بات پر زور دیا کہ قومی سلامتی اور اہم قومی معاملات پر سیاسی اختلافات سے بالاتر ہو کر یکجہتی کا مظاہرہ کیا جانا چاہیے۔