امریکی افواج نے 59 تجارتی بحری جہازوں کا رخ موڑ دیا،3 ناکارہ بنانے کا دعویٰ

امریکی سینٹرل کمانڈ (سینٹ کام) نے دعویٰ کیا ہے کہ ایران کے خلاف جاری ’اسٹیل وال‘ ناکہ بندی کے دوران امریکی افواج نے 59 تجارتی بحری جہازوں کا رخ تبدیل کرایا، جبکہ 3 دیگر جہازوں کو ناکارہ بنایا گیا۔

سینٹ کام کے مطابق امریکی فورسز نے مزید 2 تجارتی بحری جہازوں پر سوار ہوکر کارروائی بھی کی۔ کمانڈ کا کہنا ہے کہ یہ اقدامات ایران کے خلاف عائد ناکہ بندی پر مکمل عملدرآمد یقینی بنانے کے لیے کیے جا رہے ہیں۔

امریکی سینٹرل کمانڈ نے سوشل میڈیا پلیٹ فارم ایکس پر جاری بیان میں کہا کہ مذکورہ کارروائیاں 12 اگست تک انجام دی گئی ہیں۔

An F/A-18 fighter jet launches from the flight deck of USS George H.W. Bush (CVN 77) while the ship sails in regional waters and supports enforcement of America’s 🇺🇸 steel wall blockade against Iran. As of Aug. 12, U.S. forces have redirected 59 commercial vessels, disabled 3 and… pic.twitter.com/dH4BBshoTE

— U.S. Central Command (@CENTCOM) August 12, 2026

سینٹ کام کی جانب سے جاری کردہ بیان کے ساتھ امریکی طیارہ بردار بحری جہاز یو ایس ایس جارج ایچ ڈبلیو بش سے ایف اے-18 لڑاکا طیارے کے پرواز بھرنے کی تصویر بھی شیئر کی گئی۔ امریکی کمانڈ کے مطابق طیارہ خطے کے پانیوں میں ناکہ بندی کے نفاذ سے متعلق کارروائیوں میں معاونت کر رہا ہے۔

امریکی فوج کا کہنا ہے کہ ان اقدامات کا مقصد ایران کے خلاف عائد پابندیوں اور ناکہ بندی کے نفاذ کو یقینی بنانا ہے، تاہم ان کارروائیوں سے متعلق مزید تفصیلات سینٹ کام کی جانب سے فراہم نہیں کی گئیں۔