پٹرول ریلیف کیسے ملے گا؟ حکومت نے رجسٹریشن اور ٹوکن کا طریقہ کار بتا دیا

وزارتِ آئی ٹی کے مطابق ریلیف حاصل کرنے کے لیے شہریوں کو پہلے رجسٹریشن کرانا ہوگی، رجسٹریشن کے لیے REG لکھ کر شناختی کارڈ نمبر 9771 پر ایس ایم ایس کرنا ہوگا، جس کے ساتھ گاڑی کا نمبر، صوبائی کوڈ اور رجسٹریشن کی تاریخ بھی درج کرنا ہوگی۔

وزارتِ آئی ٹی کے مطابق رعایتی پیٹرول کے لیے فیول ٹوکن حاصل کرنا ضروری ہوگا۔ اس مقصد کے لیے TOK لکھ کر 9771 پر ایس ایم ایس کرنا ہوگا۔ موصول ہونے والا فیول ٹوکن دکھا کر رعایتی قیمت پر پیٹرول حاصل کیا جاسکے گا۔

وزارت کے مطابق اسلام آباد میں پیٹرول ریلیف کا آغاز پیر اور منگل کی درمیانی شب سے ہوگا، جبکہ ملک کے دیگر علاقوں میں بدھ اور جمعرات کی درمیانی شب سے ریلیف فراہم کیا جائے گا۔

مستحق شہریوں کو فی لیٹر پیٹرول پر 100 روپے کی رعایت دی جائے گی، موٹر سائیکل اور چنگچی کے لیے ماہانہ 20 لیٹر جبکہ 800 سی سی تک کی گاڑیوں کے لیے ماہانہ 30 لیٹر رعایتی پیٹرول کی حد مقرر کی گئی ہے۔