عید کی آمد سے قبل بازاروں خواتین چوروں کا گروہ سرگرم

کراچی: ملک میں عید کی آمد کے قریب آتے ہی بازاروں میں لوگوں کا رش بڑھنے لگا ہے۔ انہیں دنوں اسٹریٹ کرائمنل بھی سرگرم ہوجاتے ہیں، وہیں خواتین چوروں کا گروہ بھی سرگرم ہوگیا ہے۔
حال ہی میں نارتھ ناظم کے علاقےمیں واقعہ مشہور حیدری مارکیٹ میں ہونے والی واردات سے اس بات کا انکشاف ہوا ہے۔
حیدری مارکیٹ واقعہ ایک دکان کی سی سی ٹی وی فوٹیج سامنے آئی جس میں 2 خواتین کو چوری کرتے ہوئے دیکھا گیا ہے۔ جہاں ایک خاتون خریداری میں مصروف تھی کہ پیچھے سے دو خواتین آئی، جن میں سے ایک متاثرہ خاتون کے پرس سے رقم نکال لیتی ہیں، جبکہ دوسری چور خاتون کو واردات میں معاونت کرتی ہے۔
دونوں خواتین نے شناخت چھپانے کے لیے نقاب پہن رکھا تھا۔ واردات کے بعد دونوں خواتین موقع سے فرار ہوگئیں۔