مریم نوازکے سیاسی کیریئر کا اغاز،کاغذات نامزدگی حاصل کرلیے

اسلام آباد: سابق وزیراعظم اور پاکستان مسلم لیگ (ن) کے تاحیات قائدنواز شریف کی صاحبزادی مریم نواز نےپاکستانی سیاست میں اپنے کیریئر کا اغاز کردیا ہے ،
انہوں نے قومی اسمبلی کے لیے لاہور کے حلقہ این اے 125 اور این اے 127 سے کاغذات نامزدگی حاصل کرلیےہیں جہاں سے الیکشن لڑ کر وہ پاکستان کی سیاست میں اپنا کیریئر شروع کریں گی۔
واضح رہے کہ سابق وزیراعظم نواز شریف کی صاحبزادی مریم نواز نے سیاست میں آنے کا فیصلہ اپنے والد نواز شریف کی نااہلی کے بعد کیا جس کے بعد وہ مسلم لیگ ن کے تمام جلسوں میں خطاب اور اپنی والدہ کیلئے الیکشن کیمپن بھی چلا چکی ہیں۔