الیکشن کمیشن آف پاکستان کا اہم اجلا س 13جون کو طلب

اسلام آباد: الیکشن کمیشن آف پاکستان کا اہم اجلا س 13جون کو طلب کرلیا گیا ،اجلاس میں چاروں صوبوں کے چیف سیکریٹریز اور ہوم سیکریٹریز شرکت کریں گے ۔نجی ٹی وی کے مطابق الیکشن کمیشن آف پاکستان کا اہم اجلا س 13جون کو طلب کرلیا گیا ہے جس میں چاروں صوبوں کے چیف سیکرٹریز اور ہوم سیکرٹریز سمیت دیگر اعلیٰ افسران شرکت کریں گے ،اجلا س میں 25 جولائی کو ہونے والے آئندہ عام انتخابات کے لئے انتظامات ، عملے کیلئے ٹرانسپورٹ اور حساس پولنگ اسٹیشنز پر سی سی ٹی وی کیمروں کی تنصیب سمیت دیگر اہم امور زیر بحث آئیں گے اور اہم فیصلہ جات کئے جائیں گے ۔واضح رہے کہ آج ہی الیکشن کمیشن نے سیاستدانوں کے اثاثوں کی تفصیلات اور نامزدگی فارم ویب سائٹ پر اپ لوڈ نہ کرنے کا فیصلہ کیا تھا ۔