گذشتہ حکومت نےگردشی قرضے کا بوجھ بھی بجلی کےبلوں میں ڈال دیا

اطلاعات کے مطابق گزشتہ حکومت نے گردشی قرضے کا بوجھ  کے الیکٹرک سمیت ملک بھر کے صارفین پرڈالا ہے جس کے بعد عوام سے بجلی ٹیکس کی مد میں 150 ارب روپے کی وصولی شروع کردی گئی ہے جس کا اعتراف وزارت خزانہ کے حکام نے سینیٹ کی خصوصی کمیٹی کے اجلاس میں کیا۔

وزارت خزانہ کے حکام نے بتایا کہ دسمبر 2017 تک گردشی قرض 514 ارب روپے تھا، حکومت نے ماضی میں بھی گردشی قرض ادائیگی کیلئے 180 ارب قرض لیا اور یہ رقم بھی صارفین سے بجلی کے بلوں کے ذریعے وصول کی گئی۔

وزارت خزانہ کے حکام کا کہنا تھا کہ حکومت نے گزشتہ سال بجلی پر 118 ارب روپے سبسڈی ادا کی تھی۔