کیپٹن (ر)صفدر گرفتاری ایسے دے رہےہیں جیسے کشمیر فتح کرکے آئےہیں،عمران

ایبٹ آباد:پاکستان تحریک انصاف کے چیئرمین عمران خان نےنواز شریف کے دامادکیپٹن (ر) صفدرکو تنقیدکانشانہ بناتے ہوئےکہاکہ کیپٹن ریٹائرڈ صفدرگرفتاری تو ایسے دے رہے ہیں جیسے وہ کشمیر فتح کرکے آئےہیں،انہوں نے کہاکہ کیپٹن صفدراربوں آپ کو شرم آنی چاہیے کیوں کہ آپ چوری میں پکڑے گئےہیں۔
عمران خان نے مسلم لیگ ن کے تاحیات قائد نواز شریف اور انکی صاحبزادی مریم نواز کو بھی تنقید کا نشانہ بنایا اور کہاکہ سنا ہے باپ بیٹی اگلے بیٹے جمعے کو پاکستان آرہے ہیں،بسم اللہ ضرورپاکستان آو

لیکن آپ کو خدا کا واسطہ ہے!نیلسن منڈیلا بننے کی کوشش نہ کرنا کیونکہ نیلسن منڈیلا نے 27سال اپنی عوام کیلئے جیل کاٹی ہے۔تفصیلات کے مطابق جلسے سے خطاب کرتے ہوئے عمران خان کا کہناتھا کہ 10سال پہلے ڈالر 60روپےکا تھا،آج 125روپےکاہوگیاہے،10سال میں قرضہ 6 ہزارارب سے27 ہزارارب روپے ہوگیا،

عام آدمی مشکل سےاپنے کوپالتاہے،یہی نہیں 10سال میں ملک میں تباہی آئی،جب مہنگائی بڑھی ہےجس کی وجہ سے قرضے بڑھے ہیں،

عمران خان نے کہاکہ شریف خاندان نے پیسا بنانے کیلئے کرپٹ لوگوں کواداروں میں بیٹھایا،اربوں روپیہ ملک سے چوری کرکے لے گئے،بجلی اور گیس پر ٹیکس لگانے پڑیں گے جبکہ آج بنگلا دیش،بھارت ہم سے آگے نکل گئے ہیں ۔
عمران خان نے نوجوانوں کو مخاتب کرتےہوئے کہاکہ نوجوانو!آپ کے ملک کے مستقبل کا فیصلہ ہونے جارہاہے،25 جولائی کو پاکستان کا فیصلہ آرہا ہے،اللہ کبھی کبھی موقع دیتا ہے،تقدیر بدل لو۔