نوازشریف پرکرپشن ثابت نہیں ہوئی،وہ قوم کی محبت کی خاطرواپس آرہےہیں،شہباز

بہاول نگر: مسلم لیگ ن کے صدر اورسابق وزیراعلیٰ پنجاب شہباز شریف نے کہا کہ احتساب عدالت کے جج نے خود کہا کہ نواز شریف نے کرپشن نہیں کی ہے،ہم پر جھوٹے الزامات لگائے جاتے ہیں،

شہباز شریف نے نواز شریف کی وطن واپسی سے متعلق بتاتےہوئے کہاکہ نواز شریف 13 جولائی کو وطن واپس آرہےہیں وہ اپنی اہلیہ کو زندگی اور موت کی کشمکش میں چھوڑ کر واپس آرہے ہیں کیوں کہ ان کے دل میں قوم کی بہت محبت ہے۔
بہاولنگر میں ورکرز کنونشن سےخطاب میں شہباز شریف نےعمران خان کو تنقید کا نشانہ بناتےہوئے کہاکہ جھوٹے خان کہتے تھے پورے پاکستان میں بجلی لائیں گے، اب کہتے ہیں بجلی بیٹھ گئی ہے، بجلی تاروں پر ناچتی ہے، انہیں نہیں پتہ، کیا دن رات جھوٹ بولنے والے کو پاکستان کا وزیراعظم بناؤ گے؟۔
سابق وزیراعلیٰ پنجاب نے کہا کہ ہمارے دور میں پکی سڑکیں بنیں اور دانش اسکول بھی بنے، نواز شریف نے دن رات قوم کی خدمت کی ہے، چشتیاں کے ریگستان میں کھڑے ہو کر دانش اسکول بنایا تھا، کئی سو ارب روپے کے ترقیاتی کاموں کی میں نے سرمایہ کاری کرائی۔