لاہور ائیرپورٹ پر مشاہد اللہ اور رینجرز اہلکاروں میں تلخ کلامی

لاہور :سابق وزیراعظم نواز شریف اور ان کی صاحبزادی مریم نواز کی لاہور ائیرپورٹ آمد کے موقع پر مسلم لیگ (ن) کے رہنمامشاہد اللہ اور رینجرز اہلکاروں میں جھگڑا ہو گیا۔

نجی ٹی وی کے مطابق نواز شریف اور مریم نواز کی آمد کے موقع پر مشاہد اللہ نے ائیرپورٹ کے خارجی راستے سے اندر جانے کی کوشش کی جس پر رینجرز اہلکاروں نے انہیں روک لیا۔

رینجرز اہلکاروں کی جانب سے روکے جانے پر دیگر لیگی رہنماؤں بھی وہاں پہنچ گئے اور رینجرز اہلکاروں کو دھکے دینے کیساتھ ساتھ نعرے بازی بھی کی۔ ذرائع کے مطابق کچھ دیر بعد مشاہد اللہ سمیت دیگر لیگی رہنمااور کارکن وہاں سے ہٹ گئے اور یوں معاملہ خیر و عافیت سے ختم ہو گیا۔