انتخابی مہم کا آخری روز، سیاسی جماعتوں کے جلسے جاری

کراچی: عام انتخابات میں صرف 2 روز باقی رہ گئے ہیں اور سیاسی جماعتوں کی جانب سے آج آخری روز مختلف شہروں میں جلسے کا انعقاد کیا گیا ہے۔
اس سلسلے میں تحریک انصاف کے چیئرمین عمران خان آج لاہور میں جلسے سے خطاب کریں گے۔ مسلم لیگ (ن) کے صدر شہباز شریف نے آخری انتخابی سرگرمی کے لئے ڈیرہ غازی خان اور راولپنڈی کا انتخاب کیا جہاں وہ جلسوں سے خطاب کریں گے۔
چیئرمین پیپلز پارٹی بلاول بھٹو زرداری بھی جیکب آباد اور شکار پور میں جلسوں سے خطاب کریں گے۔ متحدہ مجلس عمل کی جانب سے بھی آج اسلام آباد میں جلسہ کیا کائے گا جبکہ متحدہ قومی موومنٹ پاکستان کی جانب سے آج کراچی میں آخری انتخابی جلسہ لیاقت آباد فلائی آور پر ہوگا۔