میں کرکٹر ہوں، آخری گینڈ تک لڑوں گا، عمران خان

پاکستان تحریک انصاف کے چیئرمین عمران خان نے کہا ہے کہ میں کرکٹر ہوں، آخری گیند تک لڑوں گا۔ میرا کام محنت کرنا ہے۔
عمران خان نے اپنا ووٹ کاسٹ کرنے کے بعد میڈیا سے بات کرتے ہوئے کہا کہ میں آج سارے پاکستان سے کہتا ہوں کے باہر نکلیں اور ووٹ ڈالیں۔
انہوں نے کہا کہ یہ پاکستان کی تاریخ کا سب سے اہم الیکشن ہے لوگ بھلے مجھے ووٹ نہ دیں کسی اور کو دیں مگر آج پاکستانی ووٹ ضرور دیں۔
عمران خان نے کہا کہ ملک کی قدر کریں، فکر کریں، اپنے ووٹ کا استعمال کریں، اللہ پاک کبھی کبھی قوم کو موقع دیتا ہے، اسے ضائع نہ کریں۔
ایک سوال کے جواب میں عمران خان کا کہنا تھا کہ بھارت کا ایک ہی ایشو ہے کہ پاکستانی فوج کو کمزور کیا جائے۔
چیئرمین پی ٹی آئی نے کہا کہ جب میں نے گزشتہ انتخابات کے حوالے سے جب دھاندلی پر احتجاج کیا تو سب میرے خلاف تھے۔ میں کرکٹر ہوں، آخری گیند تک لڑوں گا، میرا کام محنت کرنا ہے، کامیابی اللہ دیتا ہے۔
ان کا کہنا تھا کہ نوازشریف جیل برداشت نہیں کرسکتے،انہیں غلط فہمی ہوئی کہ وطن واپسی پر شاندار استقبال ہوگا۔