جاپان میں ہیلی کاپٹر گر کر تباہ، 9 افراد ہلاک

ٹوکیو: جاپان میں ہیلی کاپٹر گر کر تباہ ہو گیا جس کے نتیجے میں 9 افراد ہلاک ہو گئے۔
تفصیلات کے مطابق جاپان میں ریسکیو ادارے کا ہیلی کاپٹر تربیتی مشن کے دوران گر کر تباہ ہو گیا ہے۔ جس میں موجود 9 ریسکیو اہلکار ہلاک ہو گئے، جن میں ڈیزازٹر منیجمنٹ اور فائر بریگیڈ کے اہلکار شامل ہیں۔
ہیلی کاپٹر کا ملبہ وسطی جاپان کے جنگلاتی علاقے کے پہاڑ پر پایا گیا۔
اس ضمن میں ریسکیو حکام کا کہنا ہے کہ ڈیزازٹر منیجمنٹ کے ہیلی کاپٹر Bell 412 نے پہاڑی علاقے کے بلند ترین اور دشوار گزار مقامات تک پہنچنے کے لئے دستیاب پگڈنڈیوں کا جائزہ لینے کے لئے پرواز بھری تھی۔