سابق صدرآصف زرداری پارلیمنٹ ہائوس کی لفٹ میں پھنس گئے

اسلام آباد:پاکستان پیپلز پارٹی کے شریک چیئرمین اور سابق صدر آصف زرداری پارلیمنٹ ہاؤس کی لفٹ میں پھنس گئے۔
نجی ٹی وی کے مطابق قومی اسمبلی کی رکنیت کا حلف اٹھانے کے بعد واپسی پرآصف علی زرداری پارلیمنٹ ہاؤس کی لفٹ میں گنجائش سے زیادہ افراد کے سوار ہونے کے باعث پھنس گئے۔
اطلاعات کے مطاق پارلیمنٹ ہائوس کی لفٹ میں 8 افراد سوار ہونے کی گنجائش تھی لیکن 12 افراد سوار ہوگئے تھے جس کی وجہ سے لفٹ پھنس گئی تاہم واقعے کی اطلاع ملتے ہی متعلقہ شعبے کے افراد پہنچ گئے اور انہوں نے لفٹ میں پھنسے افراد کو نکال لیا۔