چینی ریسٹورانٹ میں دھماکہ،1شخص ہلاک10زخمی

شین یانگ:شمال مشرقی چین کے ایک ریسٹوران میں دھماکے کے باعث 1شخص ہلاک اور 10زخمی ہو گئے۔غیرملکی میڈیا کے مطابق چینی صوبے لیانگ کے دارالحکومت شین یانگ میں واقع ریسٹورانٹ میں دھماکہ گیس سلنڈر پھٹنے کے باعث ہوا۔

ریسکیو حکام کا کہنا ہے کہ یہ ریسٹورانٹ ایک رہائشی عمارت کے گراؤنڈ فلور پر واقع تھا، دھماکہ اس قدر شدید تھا کہ ریسٹورانٹ مکمل طور پر تباہ ہو گیا۔ریسٹورانٹ کے باہر کھڑی 5 کاروں کو بھی نقصان پہنچا جبکہ قریبی دوکان اور ایک گیراج بھی دھماکے کی زد میں آ کر تباہ ہو گیا۔