ورلڈ سوکا فٹبال کیلئے پاکستان ٹیم پرتگال روانہ

لاہور :پاکستان سوکا فٹبال ٹیم سکس اے سائیڈ سوکا ورلڈ کپ میں شرکت کیلئے پُرتگال کے شہر لزبن روانہ ہوگئی، ٹیم منیجر زیب خان نے بتایا کہ پاکستان ٹیم ایک ایسے ایونٹ کا حصہ بننے جارہی ہے جہاں دنیائے فٹبال کی عظیم ممالک کی ٹیمیں حصہ لے رہی ہیں۔

پاکستان کیلئے اس ایونٹ کا حصہ بننا ہی کسی اعزاز سے کم نہیں۔ 32 ممالک کی ٹیموں پر مشتمل اس تاریخی اور یادگار ایونٹ میں پاکستان گروپ ’بی‘ میں اسپین، مالڈوا اور رشیا کے ساتھ موجود ہے۔32 ٹیموں کو 4،4کے 8گروپ میں رکھا گیا ہے اور ہر گروپ میں موجود اپنے گروپ کی تمام ٹیموں سے سنگل لیگ کی بنیاد پر مقابلہ کرینگی۔