شکارپورمیں چیکنگ کے دوران کار پر فائرنگ سے 5 راہگیر زخمی

شکارپور میں قومی شاہراہ پر چیکنگ کے دوران ناکے پر نہ رکنے پرپولیس نے کار پر فائرنگ کردی، فائرنگ اورتعاقب کیلئے جانے والی پولیس موبائل کی ٹکر سے 5 راہگیر زخمی ہو گئے۔

نجی ٹی وی چینل کے مطابق شکارپورمیںقومی شاہراہ پرچیکنگ کےدوران ایک کار میں سوار افراد کو رُکنے کا اشارہ کیا گیا لیکن وہ نہیں رکے اور کاربھگاکرفرار کی کوشش کی تواس پر فائرنگ کی گئی اورتعاقب کیا گیا۔

تعاقب کے دوران پولیس موبائل کی ٹکر اور فائرنگ سے پانچ راہگیر زخمی ہوگئے، جنہیں سول اسپتال شکارپور منتقل کر دیا گیاجبکہ کار سوارملزمان کو کو رستم چوک کے قریب گرفتار کرلیا گیا جن میں دو خواتین اور ڈرائیور شامل ہے۔

پولیس کے مطابق گرفتار افراد سے کروڑوں روپے مالیت کی 62 کلو چرس بھی برآمد ہوئی ہےاورانہیں تفتیش کیلئے تھانے منتقل کرکے مقدمہ درج کرلیاگیاہے۔