ون ویلنگ اور ریس لگانے والے درجنوں گرفتار،50موٹرسائیکلیں ضبط

کراچی کی سڑکوں پر ون ویلنگ اور ریسنگ کے دوران درجنوں نوجوانو ں کی ہلاکت کے بعد کراچی پولیس کو ہوش آگیا اور انہوں نے رات گئے سی ویوپر ون ویلنگ اور ریس لگانے والے نوجوانوں کیخلاف کریک ڈائون کیا۔

نجی ٹی وی چینل کے مطابق کراچی پولیس نے رات گئے سی ویو کی سڑک پر ون ویلنگ اور ریس لگانے والے نوجوانوں کیخلاف کریک ڈائون کرتے ہوئے درجنوں نوجوانوں کو گرفتارکرلیا اور 50 سے زائد موٹرسائیکلیں ضبط کرلیں۔

پولیس کے مطابق شہر بھر میں ون ویلنگ اور بائیک ریسنگ پر پابندی عائد ہے جس پر کریک ڈائون کیا جاتا ہے کیونکہ بائک ریسنگ اورکرتب بازی کےدوران ہونے والے حادثات میں نوجوان ہلاک ہوجاتے ہیں۔

نوجوانوں کی حوصلہ شکنی اور ون ویلنگ اور ریسنگ کے تدارک کیلئے رات گئے آپریشن کرکے درجنوں نوجوانوں کوگرفتارکرکے کے ان کی 50سے زائد موٹرسائیکلیں ضبط کرلی گئی ہیں۔