ایک دومیچزمانگےتھےمگر اب تمام میچز کراچی میں ہوں گے،مراد علی شاہ

کراچی: وزیراعلیٰ سندھ مراد علی شاہ نے کہاکہ پہلے تو کرکٹ بورڈ سے ایک سے دو میچزکراچی میں کرانے کیلئے مانگے تھے مگر اب تو سارے مل گئے ہیں۔

میڈیا سے گفتگوکرتے ہوئے  وزیراعلیٰ سندھ مراد علی شاہ کا کہنا تھا کہ میں نے پہلے ایک سے دو میچز مانگے تھے مگر اب پی ایس ایل کے تمام میچز کراچی میں ہوں گے۔

صحافی نے وزیراعلیٰ سے سوال کیا کہ ‘پی ایس ایل کے میچز کراچی میں شفٹ کئے جارہے ہیں سندھ حکومت کیا کررہی ہے’ جس پر وزیراعلیٰ کا کہنا تھا کہ اس میں کراچی کے ہر شخص سے تعاون چاہوں گا، اپنی طرف سے ہر ممکن تیاری کر رہے ہیں۔

واضح رہے کہ  پی ایس ایل کے 8 میں سے تین میچز لاہور میں شیڈول تھے تاہم اب تمام 8 میچز کراچی کے نیشنل اسٹیڈیم میں ہوں گے۔