گجرات سے انسانی اسمگلر سمیت 6 ملزمان گرفتار

فیڈرل انویسٹی گیشن ایجنسی نے ضلع گجرات میں کارروائیاں کرتے ہوئے انسانی اسمگلر سمیت 6 افراد کو گرفتار کرلیا ۔

نجی تی وی کے مطابق ایف آئی اے گجرات سرکل نے جلالپورجٹاں ۔ جی ٹی روڈ شاہین چوک اور کھاریاں میں خفیہ اطلاع پر کارروائی کرتے ہوئے ایک انسانی اسمگلر سمیت 6 ملزمان کو گرفتار کیا ہے ۔

گرفتار افراد کے قبضے سے پاکستانی اور برطانوی جعلی پاسپورٹ اور دیگر دستاویزات برآمد ہوئی ہیں۔

ایف آئی اے بنے ملزمان کو تھانے منتقل کرکے مقدمہ درج کروادیا ہے اور تفتیش بھی شروع کر دی گئی ہے ۔